Një ngjarje e rëndë ka ndodhur dje pasdite në fshatin Smallushë të Lipjanit, ku një person ka humbur jetën në rrethana ende të pasqaruara.
Rastin e ka konfirmuar Policia e Kosovës, të cilët kanë bërë me dije se viktima mashkull është dërguar pa shenja jete nga familjarët në Emergjencën e Qendrës Kryesore të Mjekësisë Familjare në Lipjan. “Raportohet se nga familjarët, viktima mashkull kosovar është sjell në emergjencën e Lipjanit, ku nga mjeku kujdestar është konstatuar vdekja e viktimës”, thuhet në njoftim.
Me vendim të prokurorit, trupi i pajetë është dërguar në Institutin e Mjekësisë Ligjore për obduksion, ndërsa rasti është cilësuar ‘Hetim i vdekjes’.
