Një tërmet me magnitudë 4.9 ballë sipas shkallës Rihter është regjistruar sonte rreth orës 22:05, me epiqendër në Maqedoninë e Veriut, ndërsa lëkundjet janë ndjerë edhe në Kosovë, Shqipëri dhe disa vende të rajonit.
Sipas informacioneve të siguruara nga Lipjani.info, qytetarë nga disa zona të Kosovës kanë raportuar se kanë ndjerë qartë dridhjet e tokës, megjithëse deri më tani nuk ka të dhëna për dëme materiale apo persona të lënduar.
Institucionet përkatëse janë duke monitoruar situatën, ndërsa qytetarët këshillohen të qëndrojnë të qetë dhe të ndjekin udhëzimet zyrtare në rast të ndonjë lëkundjeje tjetër.
