Shalë, 18 janar 2025 – LDK Lipjan vazhdon të dëshmojë fuqinë dhe mbështetjen masive për vizionin e Kryetarit Imri Ahmeti, ndërsa sonte në Shalë u mbajt një takim zgjedhor që mblodhi një pjesëmarrje të jashtëzakonshme të qytetarëve nga Shala, Baica dhe Resinoci. Takimi u shndërrua në një manifestim madhështor të energjisë dhe entuziazmit, duke treguar qartë se Lipjani po përgatitet për fitoren e madhe më 9 shkurt, në zgjedhjet nacionale.
Gjatë fjalimit të tij para qytetarëve, Kryetari Imri Ahmeti vlerësoi angazhimin e qytetarëve të Lipjanit dhe e cilësoi këtë entuziazëm si një sinjal të qartë për një ndryshim pozitiv në shkallë kombëtare.
“Energjia dhe entuziazmi që na dhuruat sonte në Shalë janë motivi ynë më i madh për të ecur përpara. Lipjani ka dëshmuar që është gati të bëhet model i zhvillimit për gjithë Kosovën,” theksoi Ahmeti.
