Lipjan, 4 tetor 2025 – Kandidati i Partisë Demokratike të Kosovës (PDK) për kryetar të Komunës së Lipjanit, Shukri Buja, ka vazhduar fushatën zgjedhore me një takim entuziast me banorët e Janjevës, Akllapit, Teqes dhe Brusit.
Në një atmosferë të ngrohtë e mikpritëse, Buja dhe ekipi i tij u pritën me mbështetje të madhe nga banorët e këtyre lokaliteteve, të cilët, siç u shpreh ai, “e dinë mirë kush ka kryer punë e kush ka investuar për ta”.
“E dinë mirë kush ka investuar mbi 2 milionë euro për këto lokalitete. Prandaj sonte e mirëpritën Kryetarin, e mirëpritën ekipin tonë fitues, si dhe e mirëpritën PDK-në. Ne po rikthehemi — po rikthehemi për më mirë për Lipjanin, për Janjevën, Akllapin, Teqen dhe Brusin”, deklaroi Buja.
Ky takim u vlerësua si dëshmi e besimit që banorët e këtyre fshatrave vazhdojnë ta kenë ndaj PDK-së dhe kandidatit të saj, i cili theksoi se rikthimi i tij në drejtimin e komunës do të sjellë zhvillim të qëndrueshëm dhe investime të reja infrastrukturore e ekonomike.
