Asamblisti i PDK-së në Kuvendin Komunal në Lipjan, Ardit Cani, ka denoncuar gjendjen tmerruese në toaletet e Paraleles së Shkollës Fillore “Haradin Bajrami” në fshatin Qylagë. Në një postim në rrjetin social, Cani ka kritikuar drejtorin e Arsimit dhe Ekzekutivin e Lipjanit për mungesën e veprimeve për të përmirësuar kushtet e mjerueshme të kësaj shkolle.
“Kjo është gjendja tmerruese në të cilën ndodhet shkolla ‘Haradin Bajrami’, ku nxënësit mësojnë në kushte të vështira dhe jo të sigurta për shëndetin e tyre. Dyert e shkatërruara, banjot në gjendje të kritike dhe uji i papastër janë vetëm disa nga problemet që ballafaqohen nxënësit dhe mësimdhënësit në këtë shkollë”, shkruan Cani.
Ai gjithashtu bëri thirrje për ndërhyrje urgjente nga autoritetet lokale për të rregulluar gjendjen në këtë shkollë dhe për të siguruar një mjedis të sigurt dhe të shëndetshëm për nxënësit. “Nuk mund të lejohet që nxënësit tanë të mësojnë në kushte të tilla të mjerueshme. Është e nevojshme që autoritetet lokale të marrin masa menjëherë për ta përmirësuar gjendjen në këtë shkollë”, përfundoi Cani.
Postimi i plotë:
https://www.facebook.com/share/p/KGc6gqUpEVfsK1de/?mibextid=WC7FNe
