Takimi i fundit i Këshillit Publiko-Privat në Komunën e Lipjanit, i organizuar në bashkëpunim me programin e USAID-it, Qeverisja e Pronës, ka sjellë përforcimin e bashkëpunimit dhe dialogut mes autoriteteve lokale dhe bizneseve të komunës.
Kryetari i Komunës së Lipjanit, z. Imri Ahmeti, ka falënderuar të gjithë pjesëmarrësit, duke theksuar rëndësinë e takimeve të tilla për të adresuar problemet pronësore dhe sfidat që përballen bizneset në komunën e Lipjanit. Ai gjithashtu ka vlerësuar kontributin e komunitetit biznesor në zhvillimin ekonomik të komunës.
Në takim mori pjesë edhe Drejtoresha e aktivitetit të USAID-it, znj. Jennifer Ober, e cila ka inkurajuar dialogun publik-privat si një mjet për të rritur angazhimin e sektorit privat dhe për të forcuar bashkëpunimin mes komunës dhe bizneseve.
Në fund të takimit, të pranishmit u njohën me platformën e hartës digjitale të Komunës së Lipjanit, e cila ofron informacion mbi pronat e lira në komunë dhe mundësi financimi për bizneset. Kjo iniciativë ka për qëllim të ndihmojë rritjen e investimeve në komunë dhe promovimin e zhvillimit ekonomik lokal.
Këshilli Publiko-Privat në Komunën e Lipjanit është një forum i rëndësishëm për dialogun dhe bashkëpunimin mes autoriteteve lokale dhe biznesit, dhe është në funksion të përmirësimit të kushteve për bizneset në komunë. Takimet e tilla demonstrojnë angazhimin e autoriteteve lokale për të mbështetur bizneset vendase dhe për të ndihmuar në zhvillimin e ekonomisë lokale.
