Lipjan, 3 tetor 2025 – Kandidati i Lidhjes Demokratike të Kosovës (LDK) për kryetar të Lipjanit, Imri Ahmeti, ka zhvilluar sonte një takim me qytetarët e Hallaqit të Madh, ku u prit me pjesëmarrje të konsiderueshme dhe entuziazëm nga banorët e këtij fshati.
Banorët e Hallaqit të Madh shprehën hapur përkrahjen e tyre, duke theksuar se kanë zgjedhur alternativën që sipas tyre garanton zhvillim, transparencë dhe përfaqësim real, elemente të cilat, siç u tha në tubim, LDK i ka dëshmuar gjatë qeverisjes në Lipjan.
Në fjalën e tij, Ahmeti tha se LDK është e vendosur të vazhdojë projektet e mëdha që kanë për qëllim ngritjen e standardeve të jetesës dhe zhvillimin e qëndrueshëm të komunës.
“Banorët e Lipjanit e dinë se fjala jonë është e mbajtur. Ne kemi dëshmuar qeverisje me rezultate dhe do të vazhdojmë të ecim përpara bashkë me qytetarët”, deklaroi ai.
Takimi i mbrëmjes në Hallaq të Madh u pa si një tjetër dëshmi e mobilizimit dhe përkrahjes së gjerë që po fiton LDK në prag të zgjedhjeve të 12 tetorit.
Lipjani ec përpara!
