Lipjan, tetor 2025 – Kandidati i PDK-së për kryetar të Komunës së Lipjanit, Shukri Buja, ka përcjellë një mesazh sensibilizues me rastin e “Tetorit Rozë”, muajit ndërkombëtar të ndërgjegjësimit për parandalimin e kancerit të gjirit.
Buja ka theksuar rëndësinë jetike të kontrolleve të rregullta dhe fuqinë e skriningut, duke nënvizuar se mamografia, ekografia dhe vizitat e shpeshta tek mjeku janë çelësi për zbulimin e hershëm të sëmundjes, duke rritur ndjeshëm mundësinë e shërimit.
“Kujdesi për veten përmes skriningut nuk është vetëm një hap shëndetësor, është një investim në jetën dhe të ardhmen tuaj. Parandalimi dhe zbulimi i hershëm shpëtojnë jetë”, u shpreh Buja.
Ai shtoi se mbështetja institucionale për shëndetin e grave do të jetë një prioritet i pandalshëm në qeverisjen e tij, duke vënë theks të veçantë tek politikat parandaluese dhe përkujdesja për shëndetin e komunitetit.
