Lipjan, 1 tetor 2025 – Fushata e Lidhjes Demokratike të Kosovës (LDK) në Lipjan ka vazhduar me një tubim të madh në fshatin Ribar i Madh, ku kandidati për kryetar të komunës, Imri Ahmeti, u prit me entuziazëm nga një numër i madh qytetarësh.
Atmosfera në sallë u përshkrua si elektrizuese, me pjesëmarrës që shprehën përkrahje të fuqishme për kandidaturën e Ahmetit dhe vizionin e tij për mandatin e ardhshëm.
Në fjalën e tij para të pranishmëve, Ahmeti theksoi se LDK ka dëshmuar përkushtim dhe rezultate të prekshme në Lipjan gjatë viteve të fundit, duke shtuar se projektet konkrete për zhvillimin e komunës do të vazhdojnë edhe në periudhën e ardhshme.
“Ne kemi një plan të qartë dhe të qëndrueshëm, që garanton zhvillim dhe mirëqenie për çdo familje të Lipjanit”, tha Ahmeti.
Tubimi në Ribar të Madh konsiderohet ndër më të mëdhenjtë e deritanishëm të LDK-së gjatë kësaj fushate, duke treguar mobilizimin e strukturave dhe përkrahjen e gjerë qytetare.
