Janjevë, Lipjan – Nën atmosferën e ngrohtë dhe mbështetjen masive të qytetarëve, Partia Demokratike e Kosovës (PDK) vazhdoi tubimet elektorale në Janjevë dhe rrethinë, duke forcuar radhët drejt fitores së madhe më 9 shkurt.
Takimi, i udhëhequr nga Shefi i Shtabit Zgjedhor të Degës së Lipjanit, z. Shukri Buja, shënoi një moment të rëndësishëm për mobilizimin e mbështetësve të PDK-së. Gjatë tubimit, u prezantua programi elektoral #MatMirë, si dhe kandidatët për deputetë nga dega e PDK-së në Lipjan, duke përçuar mesazhe të qarta për një qeverisje më të mirë dhe më të fuqishme për Kosovën.
Në fjalimet e tyre, drejtuesit dhe kandidatët e PDK-së theksuan rëndësinë e përkrahjes së Bedri Hamzës si Kryeministër dhe përkushtimin për një qeverisje që sjell zhvillim ekonomik, mundësi për të rinjtë dhe përmirësimin e mirëqenies së qytetarëve.
Me entuziazmin dhe angazhimin e treguar në Janjevë dhe Teçë, PDK dëshmoi përkushtimin e saj për të vazhduar fuqishëm drejt fitores së madhe më 9 shkurt.
