Dega e Lidhja Demokratike e Kosovës në Lipjan ka bërë të ditur se në mbledhjen e mbajtur sot janë propozuar kandidatët për deputetë për zgjedhjet e jashtëzakonshme parlamentare që do të mbahen më 7 Qershor.
Sipas njoftimit zyrtar të degës, kandidatët e propozuar janë:
- Anila Reçica-Llugiqi
- Daut Azemi
- Safete Amërllahu
Nga dega e LDK-së në Lipjan u theksua se kandidatët e propozuar përfaqësojnë vlerat, përkushtimin dhe vizionin e subjektit për një përfaqësim sa më dinjitoz të qytetarëve në institucionet e vendit.
“Me unitet, punë dhe përkushtim, vazhdojmë përpara në shërbim të qytetarëve dhe të ardhmes së vendit tonë”, thuhet në njoftimin e degës.
LDK në Lipjan ka shprehur besimin se përmes angazhimit të strukturave dhe mbështetjes qytetare do të arrijë një rezultat të suksesshëm në zgjedhjet e ardhshme.
